Almelo \/ Oosterwoolde, 10 juni 2024<\/p>\n\n\n\n
Achte leden van Perveensiaole Staoten van Frieslaand,<\/p>\n\n\n\n
Wi\u2019j hebben mit grote ongerusthied kennis neumen van twie veurneumen maotregels die bi\u2019j et eventuele deurvoeren grote schae doen zullen an et Stellingwarfs, onderdiel van et Nedersaksisch dat in Noordoost-Nederlaand praot wodt, liekas in grote patten van Duutslaand. Wi\u2019j doen een beroep op jow om invloed uut te oefenen om de veurstellen te wiezigen. Wi\u2019j reageren as SONT, de Streektaelorgenisaosies in et Nedersaksisch Taelgebied. Et gaot om twie veurstellen.<\/p>\n\n\n\n
De maotregel om de subsidie veur de Stellingwarver Schrieversronte struktureel veur een zesde te kotten \u2013 de helte van de perveensiaole bi\u2019jdrege dislange \u2013 hoolt in dat die instelling vule minder slagkracht hoolt om projekten te ontwikkelen of om die te ondersteunen. Dat wiels daor toch slim verlet van is, beslist ok in verbaand mit de naodrokkelike weens om de Nedersaksische tael over te dregen op jongere generaosies. D\u2019r bin dan misschien wel incidentele middels beschikber veur et Stellingwarfs, mar die kuj\u2019 allienig verkriegen mit, per projekt, een professionele anvraoge. Kotting op de strukturele subsidie van de SSR verzwakt juust et vermogen om foonsen te verwarven. Binnen et budget van de SSR moet ja ommes ok veul aander wark daon wodden.<\/p>\n\n\n\n
Et vaalt niet te begriepen dat de Perveensie bezunigen wil op de subsidie en toegelieke mit-ondertekener is van et Konvenaant Nedersaksisch (oktober 2018), waorbi\u2019j inspanningsverplichtings angaon binnen. Hoe kan de Perveensie tot disse keuze kommen wezen: halvering subsidie op een offici\u00eble regionaole tael? Et is butengewoon pienlik om te zien dat d\u2019r een grote onbelaans is tussen de investerings in et Frysk en die in et Stellingwarfs.<\/p>\n\n\n\n
Et is et veurnemen van et perveensiaol bestuur om onderwies in et Frysk verplicht te stellen in de gemiente Oost-Stellingwarf. Mar et zol juust veur de haand liggen om dat gebied vri\u2019j te holen en geef d\u2019r roem onderwies in et Stellingwarfs. Dat is omdat et gebied van ooldsher Stellingwarfs Nedersaksisch-taelig is, ok al bin d\u2019r now inkelde d\u00f6rpen veural Friestaelig. Et Frysk verplicht stellen in gebieden die van ooldsher Stellingswarfstaelig binnen, zoks heurt niet. Op die meniere wodt veurbi\u2019jgaon an de sociaol-kulturele identiteit van de gemiente en an de belangen van de inwoners. Die zollen juust diend wezen mit onderwies in et Stellingwarfs. De verfriesing van oorspronkelik Saksische gebieden kan gien doelstelling wezen van de wet op et Frysk. Dat liekt op oneigenlik gebruuk van de wet. Et zol de perveensie Frysl\u00e2n sieren de taelkundige riekdom van de perveensie recht te doen deur et Stellingwarfs te bescharmen, evenweerdig an en op dezelde meniere as et Fries. Now liekt et omgekeerde et geval.<\/p>\n\n\n\n
We bin alarmeerd deur de veurnemens. In plaets van een beleid te voeren waorbi\u2019j de kulturele diversiteit uutdreugen en verstarkt wodt, is d\u2019r een beweging in et veurneumen beleid om et Stellingwarfs \/ Nedersaksisch weeromme te drokken of te verdringen. <\/p>\n\n\n\n
Wi\u2019j maeken dus eernstig bezwaor tegen de halvering van et perveensiaol subsidie en tegen et toepassen van de wet gebruuk Fries op de gemiente Oost-Stellingwarf. Wi\u2019j raoden en verzuken perveensiaole staoten dringend: verlien ontheffing an Oost-Stellingwarf en laot in de wet de gemiente numen bi\u2019j et niet-Friestaelige gebied in Frieslaand, krek as de gemiente West-Stellingwarf.<\/p>\n\n\n\n
Mit vrundelike groet,<\/p>\n\n\n\n
Uut naeme van et SONT (Streektaelorgenisaosies in et Nedersaksisch Taelgebied).<\/p>\n\n\n\n
Hans Gerritsen, veurzitter, Almelo (OV)<\/p>\n\n\n\n
Henk Bloemhoff, siktaoris, Oosterwolde \/ Oosterwoolde (FR)<\/p>\n\n\n\n
Andr\u00e9 Baars, ponghoolder, Arnhem (GD)<\/p>\n\n\n\n
Annet Westerdijk, vice-veurzitter, Zwolle (OV)<\/p>\n\n\n\n
Anne Doornbos, lid, Een \/ Ein (DR)<\/p>\n\n\n\n
Ria Broeze, lid, Hoge Hexel (OV)<\/p>\n\n\n\n
Paul Seesing, lid, Keijenborg \/ Keijdarp (GD)<\/p>\n","protected":false},"excerpt":{"rendered":"
Almelo \/ Oosterwoolde, 10 juni 2024 Achte leden van Perveensiaole Staoten van Frieslaand, Wi\u2019j hebben mit grote ongerusthied kennis neumen van twie veurneumen maotregels die bi\u2019j et eventuele deurvoeren grote schae doen zullen an et Stellingwarfs, onderdiel van et Nedersaksisch … Lees verder